آيار يا مجد النصر‏

جسم الشمس عبا السما مجد ونصر...

ليل اندحر ..ظلم انكسر ...وقام بالثورة القمر ...

صبح يحكي للعصر ...ونصر يضحك للنصر ...

بعشق الوطن ..يرخص عمر...وشريان نابض بالنهر..

والورد يفدي بالعطر...وعيون تشرق بالطهر...

حمينا الارض بزنادنا... هدينا الامن لولادنا...

طل النصر ببلادنا... وعالساحر تغلب سحر

بتموز صدق الوعد..وب آب صوت الرعد ..

و نيسان يا دم الورد ..وايار نصرو من تبر...

وصهيون ع مهلك ..رح يقتلك جهلك ..بالدم منقلك

ما فيك تكسرنا ولا فيك تمحينا..

ولا فيك تقتلنا ولا فيك تلغينا... وما فيك تاخدنا غدر

صهيون مين قلك ..من حقك بلادنا...

وتحرق لعب اولادنا ..وتمحي تراث اجدادنا ...ناكل ونشرب قهر..

نحنا شهادتنا ..رمز عزتنا ..بتبقى كرماتنا...مجد يحكيه الدهر ..

الاعراس بجنوبنا ...والحب بقلوبنا ...والامل عا دروبنا ...بيمشي مواكب من زهر


كل نصر وانتم بخير محمد علوش