أرض بلادي بتسأل عنن

***محمد علوش

أرض بلادي بتسأل عنن...وينن راحوا ..وين خطواتن

والورد بيحكي اوصافن.. والنهر بينطر ضحكاتن ..

بتمو بيحكي تراب الارض .. هني بقلبي مزروعين ..قامو بالواجب والفرض..وزهر كرمالن تشرين...

حملو جرحي فوق كتافن .."إذا جاء " بتحكي شفافن.. ورد الجوري لمن شافن

بلش بوراقو تلوين ....

كتبو بدماتن اسطورة...وفكوا الايدين المأسورة...وبأجسادن عملو جسورا

ل يبقى عالي الجّبين...

والصبح ال لحن موالن ...والغيم عالكتافو شالن... والارض العشقت زلزالن ..وحرقت بالنار التنين

كانو للحق سلاحو.. ارتاح الموج وما ارتاحوا ..تالمجد يعلي جناحو..

ونبقى نحنا منتصرين ...

***الشاعر والاعلامي محمد علوش